Deusto Plan Estrategikoa: gure plan estrategikoa

Deusto 2022 Deustuko Unibertsitateak datozen lau urteetarako egin duen plan estrategikoa da. Ez da dokumentu itxia, bizirik dagoen plana baino, unibertsitateko elkartearekin eta gizartearekin etengabeko harremanetan dagoena.

Bultzada berria: Transforming our world together

Hori da unibertsitate jesuiten munduko topaketan (Bilbao 2018) aukeratu zen goi- burua, asmo handikoa eta eragingarria. Orain Deustuko Unibertsitateak goiburu hori hartu du inspirazio iturri bere plan estrategiko berrirako: Deusto Ekimena 2022: mundu berri baten alde elkarlanean.

«Elkarlana» da gure izaeraren ezaugarrietako bat. Elkarlanean, Deustuko Unibertsitateko elkarte modura: ikasleak, irakasle-ikertzaileak, ikertzaileak, administrazio eta zerbitzuetako langileak, alumni, familiak; bidea eta proiektua partekatuz, era askotako pertsona, instituzio, erakunde sozial, enpresa, eragile kulturalekin…, elkar hartuta, sarean lan eginez. Elkarrekin heldu gara honaino. Elkarrekin irabazi nahi dugu etorkizuna.

«Transforming» terminoak gure eginkizunaren zentzua zein den adierazten du: eraldatzea berritzea, mundu bidezkoagoa, gizatiarragoa eta iraunkorragoa egiteko. Hortxe dago unibertsitate misioaren funtsa eta gure erronken ardatza: prestakuntza, ikerketa eta transfrentzia, lidergoa eta konpromiso soziala… eraldatzeko, humanizatzeko. Langintza handi horri gure ekarpen xumea egin nahi diogu: mundua eraldatzen duten pertsonak.

«Gure mundua»z ari garenean, unibertsaltasunaz ari gara, Lagundiarenaz eta izena eta zentzua ematen digun universitas horretaz. Gure konpromisoak, ezinbestean, dimentsio globala du mundu elkarri lotuan eta elkarren mendekoan. Eta dimentsio global horrekin batera, dimentsio lokala ere bai, gure inguru hurbilekoa. Globala eta lokala dira gaur egungo munduaren bi aldeak. Eta «gure» mundua, da gaurko mundu honetako partaide eta erantzunkide sentitzen garelako.

Leave a Reply

Your email address will not be published.

*